തളിപ്പറമ്പ്: മാരകമയക്കുമരുന്നായ എം.ഡി.എം.എയുമായി യുവാവ് പൊലീസിന്‍റെ പിടിയിലായി. ഞാറ്റുവയല്‍ സി.എച്ച് റോഡിലെ ടി.കെ. മുഹമ്മദ് റിയാസിനെയാണ് (31)ഞായറാഴ്ച പുലർച്ചെ പിടികൂടിയത്.
റൂറല്‍ ജില്ല പൊലീസ് മേധാവി എം. ഹേമലതയുടെ മേല്‍നോട്ടത്തിലുള്ള ഡന്‍സാഫ് ടീമിന്റെയും തളിപ്പറമ്പ് എസ്.ഐ പി. റഫീക്കിന്റെയും നേതൃത്വത്തില്‍ ധര്‍മശാല-പറശ്ശിനിക്കടവ് റോഡിൽ ബൈക്കില്‍ സഞ്ചരിക്കവെയാണ് 4.400 ഗ്രാം എം.ഡി.എം.എ സഹിതം പിടികൂടിയത്. മാസങ്ങളായി ലഹരിവിരുദ്ധ പൊലീസ് സംഘമായ ഡന്‍സാഫ് ടീം റിയാസിനെ നിരീക്ഷിച്ചുവരികയായിരുന്നു. ജില്ലയില്‍ എം.ഡി.എം.എ വിതരണം ചെയ്യുന്ന സംഘത്തിലെ പ്രധാനിയാണ് റിയാസെന്ന് പൊലീസ് പറഞ്ഞു.