എടക്കുളത്ത് പുലി; കൂടും കാമറയും സ്ഥാപിച്ചു

ശ്രീ​ക​ണ്ഠ​പു​രം: ചെ​ങ്ങ​ളാ​യി എ​ട​ക്കു​ള​ത്ത് പു​ലി​യു​ടെ സാ​ന്നി​ധ്യം സ്ഥി​രീ​ക​രി​ച്ചു. ബു​ധ​നാ​ഴ്ച പു​ല​ര്‍ച്ച എ​ട​ക്കു​ളം മേ​ഖ​ല​യി​ലെ ചെ​ങ്ക​ല്‍പ​ണ​യി​ലേ​ക്ക് പോ​കു​ക​യാ​യി​രു​ന്ന ലോ​റി​ത്തൊ​ഴി​ലാ​ളി​ക​ളാ​ണ് പു​ലി​യെ ക​ണ്ട​ത്. ത​ളി​പ്പ​റ​മ്പ് ഫോ​റ​സ്റ്റ് റേ​ഞ്ച് ഓ​ഫി​സ​ര്‍ പി. ​ര​തീ​ശ​ന്റെ നേ​തൃ​ത്വ​ത്തി​ലു​ള്ള സം​ഘ​മാ​ണ് പു​ലി​സാ​ന്നി​ധ്യം സ്ഥി​രീ​ക​രി​ച്ച​ത്. തി​ര​ച്ചി​ൽ ന​ട​ത്തി​യെ​ങ്കി​ലും പു​ലി​യെ ക​ണ്ടെ​ത്താ​നാ​യി​ല്ല.

ക​ഴി​ഞ്ഞ ദി​വ​സം സ​മീ​പ പ്ര​ദേ​ശ​മാ​യ ചു​ഴ​ലി കൊ​ള​ത്തൂ​ര്‍ റോ​ഡി​ല്‍ പു​ലി​യെ നാ​ട്ടു​കാ​രി​ല്‍ ചി​ല​ര്‍ ക​ണ്ടി​രു​ന്നു. അ​തി​നു​ശേ​ഷം ക​ക്ക​ണ്ണം​പാ​റ ക​ലാ​ഗ്രാ​മം പ​രി​സ​ര​ത്തും ക​ണ്ടി​രു​ന്നു.

അ​തി​നി​ടെ​യാ​ണ് ബു​ധ​നാ​ഴ്ച പു​ല​ർ​ച്ച എ​ട​ക്കു​ള​ത്ത് ചെ​ങ്ക​ൽ​പ​ണ​യി​ലേ​ക്ക് ക​ല്ല് ക​യ​റ്റാ​ൻ പോ​വു​ക​യാ​യി​രു​ന്ന ലോ​റി ഡ്രൈ​വ​ർ സെ​ബാ​സ്റ്റ്യ​ൻ വീ​ണ്ടും പു​ലി​യെ ക​ണ്ട​ത്. വ​ണ്ടി​യു​ടെ ലൈ​റ്റി​ൽ പു​ലി​യു​ടെ ഫോ​ട്ടോ​യും വി​ഡി​യോ​യും പ​ക​ർ​ത്തി. പി​ന്നാ​ലെ​യെ​ത്തി​യ മ​റ്റ് വ​ണ്ടി​ക്കാ​രും പു​ലി​യെ ക​ണ്ട​താ​യി സാ​ക്ഷ്യ​പ്പെ​ടു​ത്തി. തു​ട​ർ​ന്നാ​ണ് വ​നം​വ​കു​പ്പ് അ​ധി​കൃ​ത​രെ വി​വ​ര​മ​റി​യി​ച്ച​ത്.

ഉ​ച്ച​യോ​ടെ സ്ഥ​ല​ത്ത് കൂ​ടും സി.​സി.​ടി.​വി കാ​മ​റ​യും സ്ഥാ​പി​ച്ചു. വൈ​കീ​ട്ടും രാ​ത്രി​യു​മാ​യി പ്ര​ദേ​ശ​മാ​കെ ഡ്രോ​ൺ കാ​മ​റ​യും പ​റ​ത്തി. സ്ഥ​ല​ത്ത് വ​ന​പാ​ല​ക​ർ ക്യാ​മ്പ് ചെ​യ്യു​ന്നു​ണ്ട്. വ​നം​വ​കു​പ്പ് ഉ​ദ്യോ​ഗ​സ്ഥ​രാ​യ സെ​ക്ഷ​ൻ ഫോ​റ​സ്റ്റ് ഓ​ഫി​സ​ർ കെ. ​ബാ​ല​ൻ, ബീ​റ്റ് ഫോ​റ​സ്റ്റ് ഓ​ഫി​സ​ർ​മാ​രാ​യ മു​കേ​ഷ്, മു​ഹ​മ്മ​ദ് ഷാ​ഫി, എം.​കെ. ജി​ജേ​ഷ്, പി.​പി. രാ​ജീ​വ​ൻ, സു​ജി​ത് രാ​ഘ​വ​ൻ, പി.​സി മി​ഥു​ൻ, കെ. ​ഫാ​ത്തി​മ, വൈ​ശാ​ഖ് രാ​ജ​ൻ എ​ന്നി​വ​ർ തി​ര​ച്ചി​ലി​ന് നേ​തൃ​ത്വം ന​ൽ​കി.