മി​ന്ന​ൽ ചു​ഴ​ലി; വ്യാ​പ​ക നാ​ശം

ഇ​രി​ട്ടി: വി​വി​ധ​യി​ട​ങ്ങ​ളി​ലെ മി​ന്ന​ൽ ചു​ഴ​ലി​യി​ൽ വ്യാ​പ​ക നാ​ശം. ഇ​രി​ട്ടി ന​ഗ​ര​സ​ഭ​യി​ലെ നേ​രം​പോ​ക്ക്, ന​രി​ക്കു​ണ്ടം മേ​ഖ​ല​ക​ളി​ൽ മി​ന്ന​ൽ ചു​ഴ​ലി​യി​ൽ വ്യാ​പ​ക നാ​ശം. മ​രം​വീ​ണും ഓ​ടു​ക​ളും മേ​ൽ​ക്കൂ​ര​യും പാ​റി​പ്പോ​യും ആ​റോ​ളം വീ​ടു​ക​ൾ​ക്ക് ഭാ​ഗി​ക​മാ​യി നാ​ശം നേ​രി​ട്ടു. മ​ര​ങ്ങ​ൾ ക​ട​പു​ഴ​കി​യും പൊ​ട്ടി​യും വീ​ണ് നി​ര​വ​ധി വൈ​ദ്യു​തി​ത്തൂ​ണു​ക​ൾ ത​ക​ർ​ന്നു. നേ​രം​പോ​ക്ക്-​ന​രി​ക്കു​ണ്ടം-​താ​ലൂ​ക്ക് ആ​ശു​പ​ത്രി റോ​ഡി​ലും ന​രി​ക്കു​ണ്ടം-​കാ​ലൂ​ന്നു​കാ​ട് റോ​ഡി​ലും മ​ര​ങ്ങ​ൾ വീ​ണും വൈ​ദ്യു​തി​ത്തൂ​ണു​ക​ൾ ഒ​ടി​ഞ്ഞു​വീ​ണും ഗ​താ​ഗ​തം ത​ട​സ്സ​പ്പെ​ട്ടു. ഞാ​യ​റാ​ഴ്ച പു​ല​ർ​ച്ച നാ​ലോ​ടെ​യാ​ണ് സം​ഭ​വം. പു​ര​യി​ട​ങ്ങ​ളി​ലെ തെ​ങ്ങ്, ക​വു​ങ്ങ്, തേ​ക്ക്, പ്ലാ​വ് തു​ട​ങ്ങി​യ​വ​യാ​ണ് ഏ​റെ​യും ക​ട​പു​ഴ​കി​യ​ത്.

നേ​രം​പോ​ക്ക് അ​മ്പ​ലം റോ​ഡി​ലെ റി​ട്ട. അ​ധ്യാ​പ​ക​ൻ പി.​എ​ൻ. ക​രു​ണാ​ക​ര​ൻ നാ​യ​രു​ടെ വീ​ടി​നു മു​ക​ളി​ൽ ര​ണ്ട് തെ​ങ്ങു​ക​ളും ഒ​രു ക​വു​ങ്ങും വീ​ണ് വീ​ടി​ന്റെ ടെ​റ​സി​ലും അ​ടു​ക്ക​ള ഭാ​ഗ​ത്തും കേ​ടു​പാ​ടു​ക​ൾ സം​ഭ​വി​ച്ചു. ന​രി​ക്കു​ണ്ട​ത്തെ കെ.​പി. പ്ര​കാ​ശ​ൻ മാ​സ്റ്റ​റു​ടെ വീ​ടി​ന്റെ ര​ണ്ടാം​നി​ല​യി​ലെ ഒ​രു ഭാ​ഗ​ത്തെ ഓ​ടു​ക​ൾ മു​ഴു​വ​ൻ കാ​റ്റി​ൽ പാ​റി​പ്പോ​യി. ഇ​തി​ന് സ​മീ​പ​ത്തെ ചാ​ത്തോ​ത്ത് പ്ര​സ​ന്ന​യു​ടെ വീ​ടി​ന്റെ മേ​ൽ​ക്കൂ​ര​യു​ടെ നി​ര​വ​ധി ഓ​ടു​ക​ളും കാ​റ്റി​ൽ ഇ​ള​കി​വീ​ണ് ന​ശി​ച്ചു. അ​ളോ​റ ശൈ​ല​ജ​യു​ടെ ഓ​ടി​ട്ട വീ​ടി​ന് മു​ക​ളി​ൽ ര​ണ്ട് ക​വു​ങ്ങ് പൊ​ട്ടി​വീ​ണ് വീ​ടി​ന്റെ മേ​ൽ​ക്കൂ​ര ത​ക​ർ​ന്നു. പി.​എം. ര​വീ​ന്ദ്ര​ന്റെ ഓ​ടി​ട്ട വീ​ടി​ന് മു​ക​ളി​ലേ​ക്ക് മ​ര​ങ്ങ​ൾ വീ​ണ് വീ​ടി​ന്റെ അ​ടു​ക്ക​ള​ഭാ​ഗം ത​ക​ർ​ന്നു. അ​നീ​ഷ് പ​ണി​ക്ക​രു​ടെ ഉ​ട​മ​സ്ഥ​ത​യി​ലു​ള്ള ഹോ​സ്റ്റ​ലി​ന്റെ മു​ക​ൾ ഭാ​ഗ​ത്തെ റൂ​ഫി​ങ് ഷീ​റ്റു​കൊ​ണ്ട് നി​ർ​മി​ച്ച മേ​ൽ​ക്കൂ​ര കാ​റ്റി​ൽ പാ​റി കെ​ട്ടി​ട​ത്തി​ൽ​നി​ന്നും 50 മീ​റ്റ​റി​ല​ധി​കം ദൂ​രെ​യു​ള്ള ശ്രീ​പോ​ർ​ക്ക​ലി ഭ​ഗ​വ​തി കോ​ട്ട​ത്തി​ന് സ​മീ​പം വീ​ണു. കോ​ട്ട​ത്തി​ന്റെ മു​ക​ളി​ൽ വീ​ഴാ​തെ മേ​ൽ​ക്കൂ​ര​യു​ടെ ഒ​രു മൂ​ല​യി​ൽ മാ​ത്രം ത​ട്ടിനി​ന്ന​തി​നാ​ൽ കെ​ട്ടി​ട​ത്തി​ന് ത​ക​രാ​ർ സം​ഭ​വി​ച്ചി​ല്ല.

ഇ​രി​ട്ടി പ​ഴ​യ സ്റ്റാ​ൻ​ഡി​ലെ കെ.​കെ ടൂ​റി​സ്റ്റ് ഹോ​മി​ന്റെ ഉ​ട​മ​സ്ഥ​ത​യി​ലു​ള്ള ഷെ​ഡി​ന്റെ മു​ക​ളി​ൽ സ​മീ​പ​വാ​സി​യു​ടെ പ​റ​മ്പി​ലെ മ​രം പൊ​ട്ടി​വീ​ണ് മേ​ൽ​ക്കൂ​ര​ക്ക് നാ​ശ​മു​ണ്ടാ​യി. ഇ​വി​ടെ​ത്ത​ന്നെ തെ​ങ്ങ് പൊ​ട്ടി​വീ​ണ് സ്ഥാ​പ​ന​ത്തി​ന്റെ അ​ല​ക്കു​പു​ര പാ​ടേ ത​ക​ർ​ന്നു. സ​മീ​പ​ത്തെ ഇ​ല​ക്ട്രി​ക് പോ​സ്റ്റും ത​ക​ർ​ന്നു. നേ​രം​പോ​ക്ക് ന​രി​ക്കു​ണ്ടം റോ​ഡി​ൽ വി​വി​ധ​യി​ട​ങ്ങ​ളി​ലാ​യി മ​രം​വീ​ണ് അ​ഞ്ചോ​ളം ഇ​ല​ക്ട്രി​ക് തൂ​ണു​ക​ളും വൈ​ദ്യു​തി​ലൈ​നു​ക​ളും ത​ക​ർ​ന്നു.

അ​നീ​ഷ് പ​ണി​ക്ക​രു​ടെ പ​റ​മ്പി​ലെ കൂ​റ്റ​ൻ തേ​ക്കു​മ​രം മ​തി​ലി​നു മു​ക​ളി​ലേ​ക്കും റോ​ഡി​ലേ​ക്കു​മാ​യി മ​റി​ഞ്ഞു​വീ​ണു. നാ​ട്ടു​കാ​ർ മ​ര​ങ്ങ​ൾ മു​റി​ച്ചു​മാ​റ്റി​യാ​ണ് മ​ണി​ക്കൂ​റു​ക​ളോ​ളം ത​ട​സ്സ​പ്പെ​ട്ട ഗ​താ​ഗ​തം പു​നഃ​സ്ഥാ​പി​ച്ച​ത്. പാ​യം കോ​ണ്ട​മ്പ്ര ത​ട്ടി​ലെ കെ.​പി. പ്ര​മോ​ദി​ന്റെ വീ​ടി​ന്റെ മേ​ൽ​ക്കൂ​ര ത​ക​ർ​ന്നു. ആ​സ്ബ​സ്റ്റോ​സ് ഷീ​റ്റി​ട്ട വീ​ടി​ന്റെ മേ​ൽ​ക്കൂ​ര​യാ​ണ് ഞാ​യ​റാ​ഴ്ച രാ​വി​ലെ​യു​ണ്ടാ​യ ശ​ക്ത​മാ​യ കാ​റ്റി​ൽ ത​ക​ർ​ന്ന​ത്. ഈ ​സ​മ​യം വീ​ട്ടി​ൽ ആ​ളു​ക​ൾ ഉ​ണ്ടാ​യി​രു​ന്നെ​ങ്കി​ലും പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. പ​ടി​യൂ​ർ പു​ലി​ക്കാ​ട്ടി​ൽ ടൗ​ണി​ലെ ത​ടി​ക്ക​ൽ ശ​ശി​ധ​ര​ന്റെ ക​ട ക​ന​ത്ത മ​ഴ​യി​ലും കാ​റ്റി​ലും പൂ​ർ​ണ​മാ​യും ത​ക​ർ​ന്നു​വീ​ണു. ചെ​ങ്ക​ല്ലും ആ​സ്ബ​സ്റ്റോ​സ് ഷീ​റ്റും​കൊ​ണ്ട് നി​ർ​മി​ച്ച ക​ട കു​റ​ച്ചു നാ​ളാ​യി പ്ര​വ​ർ​ത്തി​ക്കു​ന്നി​ല്ലാ​യി​രു​ന്നു.

ഒ​രേ​ക്ക​ർ വാ​ഴ​ക്കൃ​ഷി ന​ശി​ച്ചു

പ​യ്യ​ന്നൂ​ർ: വെ​ള്ളോ​റ​ക്ക​ടു​ത്ത് ഞാ​യ​റാ​ഴ്ച പു​ല​ർ​ച്ച​യു​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും ഒ​രേ​ക്ക​റോ​ളം സ്ഥ​ല​ത്തെ ഏ​ത്ത​വാ​ഴ കൃ​ഷി ന​ശി​ച്ചു. വെ​ള്ള​രി​യാ​നം മു​ണ്ട​പ്ര​ത്ത് പ്ര​ദീ​ഷ് കു​ട്ട​ന്റെ വാ​ഴ​ക്കൃ​ഷി​യാ​ണ് പൂ​ർ​ണ​മാ​യും ന​ശി​ച്ച​ത്.

വാ​ഴ കു​ല​ച്ച​താ​ണെ​ങ്കി​ലും വി​ൽ​പ​ന ന​ട​ത്താ​ൻ പാ​ക​മാ​യി​ട്ടി​ല്ല. നൂ​റി​ല​ധി​കം വാ​ഴ​ക​ളാ​ണ് ന​ശി​ച്ച​ത്. വാ​ഴ കൂ​ടാ​തെ ഇ​ട​വി​ള​യാ​യി കൃ​ഷി ചെ​യ്ത മ​ര​ച്ചീ​നി​യും ന​ശി​ച്ചി​ട്ടു​ണ്ട്. കൃ​ഷി വ​കു​പ്പ് ഉ​ദ്യോ​ഗ​സ്ഥ​രെ വി​വ​ര​മ​റി​യി​ച്ച​താ​യി ഉ​ട​മ പ​റ​ഞ്ഞു. ഏ​റെ മു​ത​ൽ​മു​ട​ക്കി​ൽ ഒ​രു​ക്കി​യ കൃ​ഷി ന​ശി​ച്ച​തി​നാ​ൽ സ​ർ​ക്കാ​റി​ന്റെ ഭാ​ഗ​ത്തു​നി​ന്ന് സാ​മ്പ​ത്തി​ക സ​ഹാ​യം ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് ഈ ​ക​ർ​ഷ​ക​ൻ.

മ​രം വീ​ണ് ഗ​താ​ഗ​തം മു​ട​ങ്ങി

പേ​രാ​വൂ​ർ: ഇ​ട​ക്കി​ടെ ഉ​ണ്ടാ​കു​ന്ന ചു​ഴ​ലി​ക്കാ​റ്റും ക​ന​ത്ത മ​ഴ​യും​മൂ​ലം മ​ല​യോ​ര മേ​ഖ​ല​ക​ളി​ൽ ജ​ന​ജീ​വി​തം ദു​രി​ത​പൂ​ർ​ണ​മാ​യി. കാ​റ്റി​ൽ ക​ട​പു​ഴ​കി​യ മ​ര​ങ്ങ​ൾ വൈ​ദ്യു​തി​ത്തൂ​ണു​ക​ളും ലൈ​നു​ക​ളും ത​ക​ർ​ത്ത​തും ഇ​വ പൂ​ർ​ണ​തോ​തി​ൽ പു​നഃ​സ്ഥാ​പി​ക്കാ​ൻ ക​ഴി​യാ​ത്ത​തും​മൂ​ലം പ​ല മേ​ഖ​ല​ക​ളി​ലും ജ​ന​ജീ​വി​തം ദു​സ്സ​ഹ​മാ​യി. പേ​രാ​വൂ​ർ-​നി​ടും​പൊ​യി​ൽ റോ​ഡി​ലെ തെ​റ്റു​വ​ഴി ജ​ങ്ഷ​നി​ൽ കൂ​റ്റ​ൻ മ​രം ക​ട​പു​ഴ​കി​യ​തി​നാ​ൽ പേ​രാ​വൂ​ർ, തൊ​ണ്ടി​യി​ൽ ഭാ​ഗ​ങ്ങ​ളി​ൽ​നി​ന്ന് നി​ടും​പൊ​യി​ലി​ലേ​ക്കു​ള്ള ഗ​താ​ഗ​തം പൂ​ർ​ണ​മാ​യും ത​ട​സ്സ​പ്പെ​ട്ടു. മ​ണി​ക്കൂ​റു​ക​ൾ​ക്ക് ശേ​ഷം ത​ട​സ്സ​ങ്ങ​ൾ നീ​ക്കി ഗ​താ​ഗ​തം പു​നഃ​സ്ഥാ​പി​ച്ചു.

മ​രം വീ​ണ് സം​സ്ഥാ​ന പാ​ത​യി​ൽ ര​ണ്ടു മ​ണി​ക്കൂ​റോ​ളം ഗ​താ​ഗ​തം മു​ട​ങ്ങി. മ​ല​യോ​ര മേ​ഖ​ല​യി​ൽ വൈ​ദ്യു​തി ബ​ന്ധ​ങ്ങ​ൾ പു​നഃ​സ്ഥാ​പി​ക്കാ​ൻ ഇ​നി​യും ബാ​ക്കി. തു​ണ്ടി​യി​ൽ സെ​ക്ഷ​നി​ൽ നി​ര​വ​ധി ഇ​ട​ങ്ങ​ളി​ലാ​ണ് വൈ​ദ്യു​തി​ലൈ​നി​നു മു​ക​ളി​ൽ മ​രം വീ​ണ​ത്. പേ​രാ​വൂ​ർ വി​ല്ലേ​ജ് പ​രി​ധി​യി​ൽ മ​രം വീ​ണ് പ​ത്തി​ല​ധി​കം വീ​ടി​ന്റെ മേ​ൽ​ക്കൂ​ര ഭാ​ഗി​ക​മാ​യി ത​ക​ർ​ന്നു. മ​ല​യോ​ര മേ​ഖ​ല​യി​ലെ പ​ല​മേ​ഖ​ല​ക​ളി​ലും മൂ​ന്ന് ദി​വ​സ​ത്തോ​ള​മാ​യി വൈ​ദ്യു​തി ബ​ന്ധം താ​ളം​തെ​റ്റി​യി​രി​ക്ക​യാ​ണ്. പ​ല​യി​ട​ങ്ങ​ളി​ലും ഭാ​ഗി​ക​മാ​യി മാ​ത്ര​മാ​ണ് പു​നഃ​സ്ഥാ​പി​ച്ച​ത്. രാ​പ്പ​ക​ലി​ല്ലാ​തെ ഓ​ടി​ത്ത​ള​രു​ക​യാ​ണ് അ​ഗ്നി​ര​ക്ഷാ​സേ​ന​യും വൈ​ദ്യു​തി വ​കു​പ്പും ഇ.​ആ​ർ.​ടി സം​ഘ​വും.

വീ​ടു​ക​ളു​ടെ​യും ക​ട​യു​ടെ​യും മേ​ൽ​ക്കൂ​ര ത​ക​ർ​ന്നു

ശ്രീ​ക​ണ്ഠ​പു​രം: ഞാ​യ​റാ​ഴ്ച പു​ല​ർ​ച്ച വീ​ശി​യ​ടി​ച്ച കാ​റ്റി​ൽ ശ്രീ​ക​ണ്ഠ​പു​രം മേ​ഖ​ല​യി​ൽ വ്യാ​പ​ക നാ​ശം. സം​സ്ഥാ​ന പാ​ത​യി​ൽ ശ്രീ​ക​ണ്ഠ​പു​രം കോ​ട്ടൂ​രി​ൽ അ​ട​ച്ചി​ട്ട ക​ട​യു​ടെ മു​ക​ളി​ൽ മ​രം വീ​ണു. എ​സ്.​ഇ.​എ​സ് കോ​ള​ജ് സ്റ്റോ​പ്പി​ലെ പ​ഴ​യ കെ​ട്ടി​ട​ത്തി​നു മു​ക​ളി​ലാ​ണ് മ​രം പ​തി​ച്ച​ത്. മേ​ൽ​ക്കൂ​ര ത​ക​ർ​ന്നു. മൈ​ക്കി​ൾ​ഗി​രി, കാ​ഞ്ഞി​ലേ​രി ഭാ​ഗ​ങ്ങ​ളി​ൽ നി​ര​വ​ധി വീ​ടു​ക​ളു​ടെ മേ​ൽ​ക്കൂ​ര ഷീ​റ്റു​ക​ൾ കാ​റ്റി​ൽ നി​ലം​പ​തി​ച്ചു. ക​രി​മ്പി​ൽ വി​ൻ​സെ​ന്റി​ന്റെ വീ​ടി​ന്റെ മേ​ൽ​ക്കൂ​ര പൂ​ർ​ണ​മാ​യും ത​ക​ർ​ന്നു​വീ​ണു.

ക​ഴി​ഞ്ഞ മാ​സം വ​ലി​യ തു​ക ചെ​ല​വാ​ക്കി പ​ണി​ത മേ​ൽ​ക്കൂ​ര​യാ​ണ് കാ​റ്റി​ൽ പാ​റി​പ്പോ​യ​ത്. കൂ​ടാ​തെ പു​തു​ശേ​രി ചാ​ക്കോ, പു​തു​ശേ​രി അ​രു​ൺ, ക​രി​മ്പി​ൽ ഷി​ജോ തു​ട​ങ്ങി​യ​വ​രു​ടെ വീ​ടി​ന്റെ മേ​ൽ​ക്കൂ​ര​യും ഭാ​ഗി​ക​മാ​യി ത​ക​ർ​ന്നു. കാ​ഞ്ഞി​ലേ​രി​യി​ൽ പൂ​ര​ൽ​പു​ര​യി​ൽ പ്ര​കാ​ശ​ന്റെ വീ​ടി​ന്റെ മു​ക​ൾ ഭാ​ഗ​ത്തേ​ക്ക്‌ കൂ​റ്റ​ൻ മ​രം ക​ട​പു​ഴ​കി ആ​സ്ബ​സ്റ്റോ​സ് ഷീ​റ്റ് ത​ക​ർ​ന്നു. മ​ട​മ്പ​ത്ത് മ​രം വീ​ണ് രാ​മ​ച്ച​നാ​ട്ട് ഷൈ​ജു​വി​ന്റെ വീ​ട് ഭാ​ഗി​ക​മാ​യി ത​ക​ർ​ന്നു.

ത​ക​ർ​ന്ന വീ​ടു​ക​ൾ ന​ഗ​ര​സ​ഭ ചെ​യ​ർ​പേ​ഴ്സ​ൻ ഡോ. ​കെ.​വി. ഫി​ലോ​മി​ന, കോ​ൺ​ഗ്ര​സ്‌ മ​ണ്ഡ​ലം പ്ര​സി​ഡ​ന്റ് എ​ൻ.​ജെ. സ്റ്റീ​ഫ​ൻ, വി.​വി. സ​ന്തോ​ഷ്‌, എ​ബ്ര​ഹാം വ​ഞ്ചി​യി​ൽ, രാ​ജ​ൻ തു​ട​ങ്ങി​യ​വ​ർ സ​ന്ദ​ർ​ശി​ച്ചു.

കെ​ട്ടി​ട​ങ്ങ​ളു​ടെ മേ​ൽ​ക്കൂ​ര പാ​റി​പ്പോ​യി

ശ്രീ​ക​ണ്ഠ​പു​രം: ഞാ​യ​റാ​ഴ്ച ആ​ഞ്ഞു വീ​ശി​യ കാ​റ്റി​ൽ ചെ​ങ്ങ​ളാ​യി​യി​ൽ കെ​ട്ടി​ട​ങ്ങ​ളു​ടെ മേ​ൽ പാ​കി​യ ഷീ​റ്റു​ക​ൾ പാ​റി​പ്പോ​യി. ചെ​ങ്ങ​ളാ​യി ടൗ​ണി​ൽ ഓ​ട്ടോ പാ​ർ​ക്കി​ങ്ങി​ന​ടു​ത്ത മൂ​ന്നു​നി​ല കെ​ട്ടി​ട​ത്തി​ന്റെ​യും ചെ​ങ്ങ​ളാ​യി പി.​എ​ച്ച്.​സി കെ​ട്ടി​ട​ത്തി​ന്റെ​യും മു​ക​ളി​ൽ വി​രി​ച്ച വ​ലി​യ മേ​ൽ​ക്കൂ​ര ഷീ​റ്റു​ക​ളാ​ണ് നി​ലം​പ​തി​ച്ച​ത്.

അ​ന്ത​ർ സം​സ്ഥാ​ന തൊ​ഴി​ലാ​ളി​ക​ൾ താ​മ​സി​ക്കു​ന്ന ആ​റ് മു​റി​ക​ളു​ടെ മേ​ൽ​ക്കൂ​ര​യാ​ണ് പാ​റി​പ്പോ​യ​ത്. തൊ​ഴി​ലാ​ളി​ക​ൾ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. പു​ല​ർ​ച്ച​യാ​യ​തി​നാ​ലും സം​സ്ഥാ​ന പാ​ത​യി​ലേ​ക്ക് വീ​ഴാ​ത്ത​തി​നാ​ലു​മാ​ണ് വ​ൻ ദു​ര​ന്തം ഒ​ഴി​വാ​യ​ത്.

ചെ​ങ്ങ​ളാ​യി അ​രി​മ്പ്ര​യി​ലു​ള്ള പി.​എ​ച്ച്.​സി കെ​ട്ടി​ട​ത്തി​ന്റെ ഷീ​റ്റ് ചെ​ങ്ങ​ളാ​യി മാ​പ്പി​ള എ​ൽ.​പി സ്കൂ​ൾ റോ​ഡി​ലേ​ക്കാ​ണ് പ​തി​ച്ച​ത്. തു​ട​ർ​ന്ന് ഇ​തു​വ​ഴി വാ​ഹ​ന ഗ​താ​ഗ​തം ത​ട​സ്സ​പ്പെ​ട്ടു. പ​ല​യി​ട​ത്തും വൈ​ദ്യു​തി നി​ല​ച്ചെ​ങ്കി​ലും വൈ​കീ​ട്ടോ​ടെ പു​നഃ​സ്ഥാ​പി​ച്ചു.

കാ​ല​വ​ര്‍ഷ​ക്കെ​ടു​തി: ക​ണ്ണീ​രോ​ടെ ക​ര്‍ഷ​ക​ര്‍

ചെ​റു​പു​ഴ: ക​ഴി​ഞ്ഞ​ദി​വ​സ​ങ്ങ​ളി​ല്‍ മ​ല​യോ​ര​ത്ത് വീ​ശി​യ​ടി​ച്ച കാ​റ്റും ക​ന​ത്ത​മ​ഴ​യും ത​ല്ലി​ക്കെ​ടു​ത്തി​യ​ത് മ​ല​യോ​ര​ത്തെ നി​ര​വ​ധി ക​ര്‍ഷ​ക​രു​ടെ വ​ലി​യ പ്ര​തീ​ക്ഷ​ക​ളെ. റ​ബ​റും ക​വു​ങ്ങും തെ​ങ്ങും പൊ​ട്ടി​വീ​ണ് ഹ്ര​സ്വ​കാ​ല വി​ള​ക​ള്‍ കൃ​ഷി​ചെ​യ്ത​വ​ര്‍ക്കാ​ണ് വ​ലി​യ തോ​തി​ല്‍ ന​ഷ്ടം സം​ഭ​വി​ച്ച​ത്. വാ​ഴ​യും ചേ​മ്പും ചേ​ന​യും ന​ശി​ച്ച ക​ര്‍ഷ​ക​രെ​ല്ലാം വ​ലി​യ വി​ള​വ് പ്ര​തീ​ക്ഷി​ച്ചി​രു​ന്ന​വ​രാ​ണ്.

ചെ​റു​പു​ഴ വ​യ​ലാ​യി​ലെ അ​ഴ​ക​ത്ത് രാ​ജു ഇ​ത്ത​ര​ത്തി​ല്‍ ന​ഷ്ടം നേ​രി​ട്ട ക​ര്‍ഷ​ക​രി​ലൊ​രാ​ളാ​ണ്. വി​ള​വെ​ടു​ക്കാ​ന്‍ കാ​ത്തി​രി​ക്കെ അ​പ്ര​തീ​ക്ഷി​ത​മാ​യി വീ​ശി​യ​ടി​ച്ച കാ​റ്റി​ല്‍ രാ​ജു​വി​ന്റെ 150ഓ​ളം നേ​ന്ത്ര​വാ​ഴ​ക​ളാ​ണ് നി​ലം​പ​തി​ച്ച​ത്. ഒ​രു ത​ട​ത്തി​ല്‍ ര​ണ്ടു തൈ​ക​ള്‍ വീ​തം ന​ട്ട് ശാ​സ്ത്രീ​യ​മാ​യി നേ​ന്ത്ര​ക്കു​ല വി​ള​വെ​ടു​ക്കു​ന്ന ക​ര്‍ഷ​ക​നാ​ണ് രാ​ജു. ഓ​രോ തൈ​യും മ​റ്റൊ​ന്നി​ന് താ​ങ്ങാ​കും എ​ന്ന​തി​നാ​ല്‍ ഈ ​രീ​തി​യി​ല്‍ വാ​ഴ ന​ടു​മ്പോ​ള്‍ പ്ര​ത്യേ​കി​ച്ച് താ​ങ്ങു​ന​ല്‍കാ​റി​ല്ല.

ഇ​ങ്ങ​നെ ന​ട്ട​തി​ലൂ​ടെ ക​ഴി​ഞ്ഞ ര​ണ്ടു വ​ര്‍ഷ​വും മി​ക​ച്ച വി​ള​വ് ല​ഭി​ച്ച വാ​ഴ​ത്തോ​ട്ട​മാ​യി​രു​ന്നു ഇ​ത്. എ​ന്നാ​ല്‍, എ​ല്ലാ പ്ര​തീ​ക്ഷ​ക​ളെ​യും തെ​റ്റി​ച്ചാ​ണ് ഇ​ത്ര​യ​ധി​കം വാ​ഴ​ക​ള്‍ നി​ലം​പൊ​ത്തി​യ​ത്. കു​ല​ക​ള്‍ മൂ​പ്പെ​ത്താ​ന്‍ ദി​വ​സ​ങ്ങ​ള്‍ മാ​ത്രം ശേ​ഷി​ക്കെ​യാ​ണ് വാ​ഴ​ത്തോ​ട്ടം പൂ​ര്‍ണ​മാ​യി ഇ​ല്ലാ​താ​യ​ത്. തൈ​ക​ള്‍ കു​ഴി​ച്ചു​വെ​ച്ച സ​മ​യ​ത്തെ ക​ടു​ത്ത വേ​ന​ലി​ല്‍ നി​ര​ന്ത​രം ജ​ല​സേ​ച​നം ചെ​യ്ത് വ​ള​ര്‍ത്തി​യെ​ടു​ത്ത വാ​ഴ​ക​ളാ​യി​രു​ന്നു എ​ല്ലാം. സ്ഥ​ലം പാ​ട്ട​ത്തി​നെ​ടു​ത്ത് കൃ​ഷി ചെ​യ്തു​വ​രു​ന്ന രാ​ജു​വി​നെ​പോ​ലെ നി​ര​വ​ധി ചെ​റു​കി​ട ക​ര്‍ഷ​ക​രു​ടെ സ്വ​പ്‌​ന​ങ്ങ​ളാ​ണ് കാ​ല​വ​ര്‍ഷ​ക്കെ​ടു​തി​ക്ക് ഇ​ര​യാ​യ​ത്.

വീ​ടി​നു മു​ക​ളി​ൽ മ​ര​ങ്ങ​ൾ പൊ​ട്ടി​വീ​ണു

ത​ളി​പ്പ​റ​മ്പ്: ശ​ക്ത​മാ​യ കാ​റ്റി​ൽ വീ​ടി​നു മു​ക​ളി​ലേ​ക്ക് മ​ര​ങ്ങ​ൾ പൊ​ട്ടി​വീ​ണു. തൃ​ച്ചം​ബ​രം പെ​ട്രോ​ൾ പ​മ്പി​ന് സ​മീ​പ​ത്തെ പ​ള്ള​ൻ വീ​ട്ടി​ൽ മോ​ഹ​ന​ന്റെ വീ​ടി​നു മു​ക​ളി​ലേ​ക്കാ​ണ് വീ​ണ​ത്. ഞാ​യ​റാ​ഴ്ച പു​ല​ർ​ച്ച​യു​ണ്ടാ​യ ശ​ക്ത​മാ​യ കാ​റ്റി​ൽ സ​മീ​പ​ത്തെ പ​റ​മ്പി​ലെ നെ​ല്ലി​മ​രം, തെ​ങ്ങ് എ​ന്നി​വ വീ​ഴു​ക​യാ​യി​രു​ന്നു. വീ​ടി​ന്റെ അ​ടു​ക്ക​ള ഭാ​ഗ​ത്തെ ഓ​ടും ഷീ​റ്റും ത​ക​ർ​ന്നു. ഓ​ട്ടോ തൊ​ഴി​ലാ​ളി​യാ​യ മോ​ഹ​ന​നും ഭാ​ര്യ​യും മാ​ത്ര​മാ​ണ് വീ​ട്ടി​ലു​ണ്ടാ​യി​രു​ന്ന​ത്. ആ​ർ​ക്കും പ​രി​ക്കി​ല്ല.