തളിപ്പറമ്പ്.വാറ്റുചാരായ നിർമ്മാണം നടക്കുന്നുണ്ടെന്ന വിവരത്തെ തുടർന്ന് എക്സൈസ് സംഘം നടത്തിയ റെയ്ഡിൽ 205 ലിറ്റർ വാഷ് പിടികൂടി.ആലക്കോട് പോത്തുകുണ്ട് തോട്ടുച്ചാലിന് സമീപം വെച്ചാണ് കുടങ്ങളിലും കന്നാസുകളിലുമായി സൂക്ഷിച്ച വാഷ് ശേഖരം എക്സൈസ് സർക്കിൾ ഇൻസ്പെക്ടർ കെ.കെ.ഷിജിൽ കുമാറും സംഘവും പിടികൂടി നശിപ്പിച്ചത്.പ്രതിയെ കണ്ടെത്താനായില്ല. റെയിഡിൽ പ്രിവൻ്റീവ് ഓഫീസർ പി.ആർ.സജീവ്, സിവിൽ എക്സൈസ് ഓഫീസർ വി.ആർ.വിനീഷ്, പി.സൂരജ്, ഡ്രൈവർ അജിത്ത് എന്നിവരും ഉണ്ടായിരുന്നു.