മാഹി: പൊലീസ് നടത്തിയ റെയ്ഡിൽ മാഹി മുണ്ടോക്കിലെ ക്വാർട്ടേഴ്സ് കേന്ദ്രീകരിച്ച് ലഹരിമരുന്ന് വിൽപന നടത്തുകയായിരുന്ന ആറ് യുവാക്കൾ പിടിയിലായി. 4.9 ഗ്രാമിന്റെ ചെറു പാക്കറ്റുകളിലുള്ള ഹെറോയിൻ ഇവരിൽ നിന്ന് പിടിച്ചെടുത്തു.
രാത്രികാലങ്ങളിൽ മുണ്ടോക്കിലെ ഡ്രീം പാലസിൽ വൻതോതിൽ ലഹരി മരുന്ന് വിപണനം നടക്കുന്നുണ്ടെന്ന രഹസ്യവിവരത്തെത്തുടർന്ന് ശനിയാഴ്ച രാത്രി 11 ന് നടത്തിയ പരിശോധനയിൽ കാവുംഭാഗം കൊളശ്ശേരി പി.കെ. മുനവ്വർ ഹൈറോസ് (25), വടകര ചോറോട് മുട്ടങ്ങൽ വെസ്റ്റ് അഫ്നാസ് (32), വടകര വലിയ വളപ്പ് ഷംനാദ് (30), കോഴിക്കോട് മാങ്കാവ് അഷറഫ് (39), വളയനാട് മാങ്കാവിലെ മുഹമ്മദ് റിജാസ് (36), ചിറക്കുനിയിലെ അനീസ് (29) എന്നിവരെ പിടികൂടിയത്.
സർക്കിൾ ഇൻസ്പെക്ടർ ഷൺമുഖം, എസ്.ഐ റെനിൽ കുമാർ, ക്രൈം സ്ക്വാഡ് അംഗങ്ങൾ എന്നിവരുടെ നേതൃത്വത്തിലാണ് നടപടി. പ്രതികളെ കോടതി രണ്ടാഴ്ചത്തേക്ക് റിമാൻഡ് ചെയ്തു.