Thalassery news

കണ്ണൂർ : തലശ്ശേരി-വളവുപാറ കെ.എസ്.ടി.പി. റോഡിലെ ഇരിട്ടി പഴയ പാലത്തിൽ അറ്റകുറ്റപ്പണി നടക്കുന്നതിനാൽ പാലത്തിലൂടെയുള്ള കാൽനടയാത്രയും വാഹനഗതാഗതവും ഒക്ടോബർ 26 മുതൽ നവംബർ 15 വരെ പൂർണമായും നിരോധിച്ചു.ഗതാഗത്തിന് പുതിയ പാലം ഉപയോഗിക്കണമെന്നും തലശ്ശേരി പൊതുമരാമത്ത് പാലങ്ങൾ വിഭാഗം അസി. എൻജിനിയർ അറിയിച്ചു.

തലശ്ശേരി : കൊടുവള്ളി റെയിൽവേ ഗേറ്റിനു സമീപം ഇല്ലിക്കുന്നിൽ സ്വകാര്യബസ് മറിഞ്ഞ് 55 പേർക്ക് പരിക്കേറ്റു. അഞ്ചരക്കണ്ടിയിൽനിന്ന് തലശ്ശേരിയിലേക്ക് വരികയായിരുന്ന ബസ് ചൊവ്വാഴ്ച രാവിലെ 9.15-നാണ് അപകടത്തിൽപ്പെട്ടത്. പരിക്കേറ്റ 55 പേർ തലശ്ശേരി സഹകരണ ആസ്പത്രിയിലും തലശ്ശേരി ജനറൽ ആസ്പത്രിയിലും ചികിത്സ തേടി. ആറുപേർക്ക് സാരമായ പരിക്കുണ്ട്. ഇല്ലിക്കുന്ന് കയറ്റം കയറി തൊട്ടടുത്ത വളവിലെത്തിയപ്പോഴാണ് ബസ് നിയന്ത്രണം വിട്ട് മറിഞ്ഞത്.