Kannur

Kannur News: കണ്ണൂർ: ചക്കരക്കൽ പൊലീസ് സ്റ്റേഷൻ പരിധിയിലെ ചെമ്പിലോട് നിർമ്മാണത്തിലിരിക്കുന്ന കോൺഗ്രസ് ഓഫിസിന് നേരെ ബോംബേറ്. മുതുകുറ്റി ആശാരിമെട്ടയിലെ പുതുതായി നിർമ്മിക്കുന്ന പ്രിയദർശിനി മന്ദിരത്തിനു നേരെയാണ് ഇന്ന് പുലർച്ചെ ബോംബെറിഞ്ഞത്. ബൈക്കിലെത്തിയ സംഘമാണ് ബോംബെറിഞ്ഞത്. ഉഗ്രസ്ഫോടനത്തിൽ കെട്ടിടത്തിന് ഉള്ളിൽ കേട് പാട് പറ്റി. അകത്ത് ഉണ്ടായിരുന്ന ഫർണ്ണിച്ചറുകളും തകർന്നു.അക്രമത്തിന് പിന്നിൽ സി പി എം പ്രവർത്തകരാണെന്ന് കോൺഗ്രസ് നേതാക്കൾ പറഞ്ഞു. കെട്ടിടത്തിൻ്റെ നിർമ്മാണം പൂർത്തിയാക്കി ഉദ്ഘാടനം ചെയ്യാനിരിക്കെയാണ് അക്രമം നടന്നത്. ചക്കരക്കൽ പൊലീസ് കേസെടുത്ത് അന്വേഷണമാരംഭിച്ചു.

കണ്ണൂർ: എൻ.ഡി.പി.എസ് സ്‌പെഷ്യൽ ഡ്രൈവിന്റെ ഭാഗമായി കണ്ണൂർ സി​റ്റിയിൽ നടത്തിയ പരിശോധനയിൽ 144 കുപ്പി വിദേശ മദ്യം പിടികൂടി. ചൊവ്വാഴ്ച വൈകീട്ട് സി​റ്റി മരക്കാർകണ്ടി ഭാഗത്ത് വാഹന പരിശോധന നടത്തുന്നതിനിടെ പൊലീസിനെ വെട്ടിച്ച് കടന്നു കളഞ്ഞ ഓട്ടോയിൽ നിന്നാണ് മദ്യം കണ്ടെടുത്തത്. പൊലീസ് ഓട്ടോയെ പിന്തുടർന്നപ്പോൾ ഓട്ടോ ഡ്രൈവർ താക്കോലുമായി ഓടി രക്ഷപ്പെട്ടു. തുടർന്ന്, പൊലീസ് നടത്തിയ പരിശോധനയിലാണ് പോണ്ടിച്ചേരിയിൽ മാത്രം വിൽപനാധികാരമുള്ള എട്ട് കെയ്‌സ് മദ്യം വണ്ടിയിൽ നിന്നും കണ്ടെത്തിയത്. പ്രതിക്കായുള്ള അന്വേഷണം ഊർജിതമാക്കിയിട്ടുണ്ട്. മദ്യം … Read more