ക​ടു​വ​യെ ക​ണ്ടു, ക​ണ്ടി​ല്ല!

  കേ​ള​കം: ക​രി​യം​കാ​പ്പി​ൽ ചുറ്റിക്കറങ്ങുന്ന ക​ടു​വ വീ​ണ്ടും ഒ​ളി​ത്താ​വ​ള​ത്തി​ൽ. തു​ട​ർ​ച്ച​യാ​യ ദി​വ​സ​ങ്ങ​ളി​ൽ വ​നം​വ​കു​പ്പ് സം​ഘ​വും നാ​ട്ടു​കാ​രും മ​ല​മ​ട​ക്കു​ക​ളി​ൽ വി​യ​ർ​പ്പൊ​ഴു​ക്കി നടത്തിയ തിരച്ചിൽ വിഫലമായി. അ​ട​ക്കാ​ത്തോ​ട്ടി​ലെ ക​രി​യം​കാ​പ്പി​ൽ തി​ങ്ക​ളാ​ഴ്ച രാ​വി​ലെ ക​ടു​വ​യെ നേ​രി​ൽ ക​ണ്ട​ത് കൊ​ട്ടി​യൂ​ർ റേ​ഞ്ച് ഓ​ഫി​സ​ർ സു​ധീ​ർ ന​രോ​ത്തും സം​ഘ​വു​മാ​യി​രു​ന്നു. തു​ട​ർ​ന്ന് കു​ന്നി​റ​ങ്ങി ക​ടു​വ​യെ ക​ണ്ട സ്ഥ​ലം മു​ത​ൽ മ​ല​മ​ട​ക്കു​ക​ളി​ലും താ​ഴ്വാ​ര​ങ്ങ​ളി​ലും തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല.

ഞാ​യ​റാ​ഴ്ച രാ​ത്രി വ​നം​വ​കു​പ്പ് വി​രി​ച്ച വ​ല​യി​ൽ​നി​ന്ന് അ​തി​വി​ദ​ഗ്ധ​മാ​യി ര​ക്ഷ​പ്പെ​ട്ട ക​ടു​വ തി​ങ്ക​ളാ​ഴ്ച രാ​വി​ലെ വീ​ണ്ടും പ്ര​ത്യ​ക്ഷ​പ്പെ​ട്ട​ത് സ​മീ​പ​ത്തെ ചി​റ​ക്കു​ഴി ബാ​ബു​വി​ന്റെ വീ​ടി​നു സ​മീ​പ​ത്താ​യാ​ണ്. ഇ​തി​ന് തൊ​ട്ട​ടു​ത്ത സ്ഥ​ല​ത്താ​ണ് ഞാ​യ​റാ​ഴ്ച രാ​ത്രി ക​ടു​വ​യെ വ​നം​വ​കു​പ്പ് വ​ള​ഞ്ഞു​വെ​ക്കു​ക​യും പി​ന്നീ​ട് അ​പ്ര​ത്യ​ക്ഷ​മാ​വു​ക​യും ചെ​യ്ത​ത്. വ​ന​പാ​ല​ക സം​ഘ​ത്തെ​യും നാ​ട്ടു​കാ​രെ​യും ക​ണ്ട​തോ​ടെ ക​ടു​വ മു​ക​ൾ​ഭാ​ഗ​ത്തേ​ക്ക് ക​യ​റി​പ്പോ​വു​ക​യാ​യി​രു​ന്നു.

പ്ര​ദേ​ശ​ത്തെ റ​ബ​ർ തോ​ട്ട​ങ്ങ​ളും ക​ശു​മാ​വി​ൻ തോ​ട്ട​ങ്ങ​ളും ഉ​ൾ​പ്പെ​ടെ അ​രി​ച്ചു​പെ​റു​ക്കി​യെ​ങ്കി​ലും ക​ടു​വ​യെ ക​ണ്ടെ​ത്താ​നാ​യി​ല്ല. കൊ​ട്ടി​യൂ​ർ റേ​ഞ്ച് ഓ​ഫി​സ​റു​ടെ നേ​തൃ​ത്വ​ത്തി​ൽ നൂ​റി​ല​ധി​കം വ​ന​പാ​ല​ക​രാ​ണ് തി​ര​ച്ചി​ൽ ന​ട​ത്തി​യ​ത്. വ​യ​നാ​ട്ടി​ൽ നി​ന്നെ​ത്തി​യ മ​യ​ക്കു​വെ​ടി സം​ഘ​വും തി​ര​ച്ചി​ൽ ന​ട​ത്തി. തു​ട​ർ​ന്ന് ക​ടു​വ ദി​വ​സ​ങ്ങ​ളാ​യി വ​ട്ട​മി​ടു​ന്ന ചി​റ​ക്ക​ഴി​യി​ൽ ബാ​ബു​വി​ന്റെ കൃ​ഷി​യി​ട​ത്തി​ന് സ​മീ​പ​വും വെ​ള്ള​മ​റ്റം റോ​യി​യു​ടെ കൃ​ഷി​യി​ട​ത്തി​ന്റെ താ​ഴ്വാ​ര​ത്തും കൂ​ടും കാ​മ​റ​യും സ്ഥാ​പി​ച്ചു. പ്ര​ദേ​ശ​ത്ത് നി​രീ​ക്ഷ​ണം തു​ട​രു​മെ​ന്ന് അ​ധി​കൃ​ത​ർ അ​റി​യി​ച്ചു.

കേ​ള​കം പ​ഞ്ചാ​യ​ത്ത് പ്ര​സി​ഡ​ന്റ് സി.​ടി. അ​നീ​ഷ്, വൈ​സ് പ്ര​സി​ഡ​ന്റ് ത​ങ്ക​മ്മ മേ​ലെ​ക്കു​റ്റ്, ജി​ല്ല പ​ഞ്ചാ​യ​ത്തം​ഗം ലി​സി ജോ​സ​ഫ്, പ​ഞ്ചാ​യ​ത്തം​ഗ​ങ്ങ​ളാ​യ സ​ജീ​വ​ൻ പാ​ലു​മ്മി, ഷാ​ന്റി സ​ജി എ​ന്നി​വ​രു​ടെ നേ​തൃ​ത്വ​ത്തി​ൽ നാ​ട്ടു​കാ​രും വ​നം​വ​കു​പ്പ് തി​ര​ച്ചി​ൽ സം​ഘ​ത്തി​ന് സ​ഹാ​യ​വു​മാ​യെ​ത്തി.