ഉ​ദ്ഘാ​ട​നം ക​ഴി​ഞ്ഞിട്ട് ഒ​ന്നേ​കാ​ൽ വ​ർ​ഷം; ബൈ​പാ​സ് സർവിസ് റോഡുകളിൽ ഇപ്പോഴും യാത്ര ദുരിതം

മാ​ഹി: ഉ​ദ്ഘാ​ട​നം ക​ഴി​ഞ്ഞ് ഒ​ന്നേ​കാ​ൽ വ​ർ​ഷം പി​ന്നി​ടു​മ്പോ​ഴും മു​ഴ​പ്പി​ല​ങ്ങാ​ട്-​മാ​ഹി ബൈ​പാ​സ് സ​ർ​വി​സ് റോ​ഡു​ക​ളി​ൽ ദു​രി​ത​യാ​ത്ര. ബൈ​പാ​സി​ൽ നി​ന്ന് സ​ർ​വി​സ് റോ​ഡു​ക​ളി​ലേ​ക്ക് ഇ​റ​ങ്ങു​ന്ന​തി​നു​ള്ള മാ​ർ​ഗ​മ​റി​യാ​തെ വ​ല​യു​ക​യാ​ണ് യാ​ത്ര​ക്കാ​ർ. ബൈ​പാ​സ് പാ​ത​ക​ളു​ടെ ഇ​രു​വ​ശ​ങ്ങ​ളി​ലും പു​തി​യ പെ​ട്രോ​ൾ പ​മ്പു​ക​ൾ തു​റ​ന്ന​തി​നാ​ൽ സ​ർ​വി​സ് റോ​ഡി​ലൂ​ടെ വ​ലി​യ ച​ര​ക്കു വാ​ഹ​ന​ങ്ങ​ള​ട​ക്കം ത​ല​ങ്ങും വി​ല​ങ്ങു​മാ​ണ് ഇ​പ്പോ​ൾ സ​ഞ്ച​രി​ക്കു​ന്ന​ത്. ബൈ​പാ​സി​ൽ ഏ​റെ അ​പ​ക​ടം ന​ട​ന്ന ഈ​സ്റ്റ് പ​ള്ളൂ​ർ ട്രാ​ഫി​ക് സി​ഗ്ന​ലി​ന്റെ വ​ശ​ത്ത് ത​ല​ശ്ശേ​രി ഭാ​ഗ​ത്തേ​ക്കു​ള്ള സ​ർ​വി​സ് റോ​ഡി​ന്റെ പ്ര​വൃ​ത്തി പാ​തി​വ​ഴി​യി​ൽ നി​ല​ച്ചി​രി​ക്കു​ക​യാ​ണ്.

പൊ​ടി​മ​ണ്ണും കു​ഴി​യും നി​റ​ഞ്ഞ റോ​ഡി​ൽ യാ​ത്ര​ക്കാ​ർ മാ​ത്ര​മ​ല്ല പ​രി​സ​ര​വാ​സി​ക​ളും ദു​രി​ത​ത്തി​ലാ​ണ്. ഇ​തു​വ​ഴി വ​ലി​യ വാ​ഹ​ന​ങ്ങ​ൾ ക​ട​ന്നു പോ​കു​ന്ന​തി​നാ​ൽ പ്ര​ദേ​ശ​വാ​സി​ക​ളു​ടെ ഇ​രു​ച​ക്ര വാ​ഹ​ന​ങ്ങ​ൾ പോ​ലും പോ​കു​ന്ന​തി​ന് പ്ര​യാ​സ​മാ​ണ് നി​ല​വി​ലു​ള്ള​ത്. പ​ള്ളൂ​ർ സ​ബ് സ്റ്റേ​ഷ​ൻ ഭാ​ഗ​ത്ത് നി​ന്ന് ത​ല​ശേ​രി ഭാ​ഗ​ത്തേ​ക്ക് അ​ടി​പ്പാ​ത​വ​ഴി സ​ർ​വി​സ് റോ​ഡി​ലേ​ക്ക് പ്ര​വേ​ശി​ക്കു​ന്ന ക​വ​ല​യി​ലെ റോ​ഡ് പ്ര​വൃ​ത്തി​യും പൂ​ർ​ത്തി​യാ​യി​ല്ല. ക​സ്തൂ​ർ​ബാ ഗാ​ന്ധി ഗ​വ. ഹൈ​സ്‌​കൂ​ളി​ന്റെ പി​ൻ​ഭാ​ഗ​ത്ത് വ​ലി​യ കു​ന്നി​ടി​ച്ചാ​ണ് റോ​ഡി​ന്റെ നി​ർ​മാ​ണം ന​ട​ത്തി​യി​രു​ന്ന​ത്. ഇ​വി​ടെ​യും സ​ർ​വി​സ് റോ​ഡ് നി​ർ​മാ​ണം പൂ​ർ​ത്തി​യാ​യി​ട്ടി​ല്ല. റോ​ഡ് നി​ർ​മാ​ണ പൂ​ർ​ത്തി​യാ​കാ​ത്ത​തി​നാ​ൽ ഏ​റെ പൊ​ടി ശ​ല്യ​മാ​ണ്.

ഗ​താ​ഗ​ത നി​യ​ന്ത്ര​ണ​ത്തി​നാ​യി പെ​ട്രോ​ൾ പ​മ്പു​ക​ളു​ടെ സ്വ​കാ​ര്യ സെ​ക്യൂ​രി​റ്റി ജീ​വ​ന​ക്കാ​രാ​ണ് സ​ർ​വി​സ് റോ​ഡു​ക​ളി​ൽ വാ​ഹ​ന​ങ്ങ​ൾ​ക്ക് വ​ഴി​കാ​ട്ടി​ക​ളാ​വു​ന്ന​ത്. ഇ​വ​രാ​ക​ട്ടെ സ്വ​ന്തം പ​മ്പു​ക​ളി​ലേ​ക്ക് ദി​ശ മാ​റ്റി​യാ​ണ് വാ​ഹ​ന​ങ്ങ​ളെ വി​ടാ​റു​ള്ള​ത്. ഇ​പ്പോ​ൾ ട്രാ​ഫി​ക് ബൂ​ത്തി​ൽ ഒ​രു പൊ​ലീ​സു​ദ്യോ​ഗ​സ്ഥ​നാ​ണ് ചു​മ​ത​ല​യി​ലു​ണ്ടാ​വു​ന്ന​ത്. സ​ർ​വി​സ് റോ​ഡു​ക​ളു​ടെ നി​ർ​മാ​ണം എ​ത്ര​യും പെ​ട്ടെ​ന്ന് പൂ​ർ​ത്തി​യാ​ക്കി​യി​ല്ലെ​ങ്കി​ൽ യാ​ത്ര ചെ​യ്യു​ന്ന​തി​ന് ഭീ​മ​മാ​യ ടോ​ൾ തു​ക ന​ൽ​കി​യി​ട്ട് പോ​ലും മ​തി​യാ​യ സേ​വ​നം കി​ട്ടു​ന്നി​ല്ലെ​ന്ന ആ​ക്ഷേ​പ​മാ​ണ് വാ​ഹ​ന ഉ​ട​മ​ക​ളി​ൽ നി​ന്നു​യ​രു​ന്ന​ത്.