വിഷ്ണുപ്രിയ വധം; ശിക്ഷാവിധി കാത്ത് നടമ്മൽ ഗ്രാമം

പാ​നൂ​ർ: നാ​ടി​നെ ന​ടു​ക്കി​യ വി​ഷ്ണു​പ്രി​യ വ​ധ​ത്തി​ൽ കു​റ്റ​ക്കാ​ര​നെ​ന്ന് കോ​ട​തി ക​ണ്ടെ​ത്തി​യ പ്ര​തി​യു​ടെ വി​ധി കാ​ത്ത് ന​ട​മ്മ​ൽ ഗ്രാ​മം. പ്ര​ണ​യ​പ്പ​ക​യി​ൽ ന​ട​മ്മ​ൽ വ​ള്ള്യാ​യി സ്വ​ദേ​ശി​നി​യാ​യ വി​ഷ്ണു​പ്രി​യ​യെ കൊ​ല​പ്പെ​ടു​ത്തി​യ കേ​സി​ൽ പ്ര​തി മാ​ന​ന്തേ​രി​യി​ലെ ശ്യാം​ജി​ത്തി​നെ കു​റ്റ​ക്കാ​ര​നെ​ന്ന് കോ​ട​തി ക​ണ്ടെ​ത്തി​യി​രു​ന്നു.

വി​ധി കേ​ൾ​ക്കാ​ൻ വി​ഷ്ണു​പ്രി​യ​യു​ടെ അ​മ്മ ബി​ന്ദു, സ​ഹോ​ദ​രി വി​പി​ന എ​ന്നി​വ​ർ കോ​ട​തി​യി​ലെ​ത്തി. ശി​ക്ഷ​വി​ധി ഈ ​മാ​സം 13ന് ​വി​ധി​ക്കും. ത​ല​ശ്ശേ​രി അ​ഡീ​ഷ​ന​ൽ ജി​ല്ല സെ​ഷ​ൻ​സ് കോ​ട​തി​യാ​ണ് പ്ര​തി കു​റ്റ​ക്കാ​ര​നെ​ന്ന് ക​ണ്ടെ​ത്തി​യ​ത്. 2022 ഒ​ക്ടോ​ബ​ർ 22ന് ​പാ​നൂ​രി​ലെ വ​ള്ള്യാ​യി​ലാ​ണ് ദാ​രു​ണ സം​ഭ​വ​മു​ണ്ടാ​യ​ത്.

വീ​ട്ടി​ൽ സു​ഹൃ​ത്തു​മാ​യി വിഡി​യോ കോ​ളി​ൽ സം​സാ​രി​ക്കു​ന്ന​തി​നി​ടെ ക​യ​റി വ​ന്ന ശ്യാം​ജി​ത്ത്​ വി​ഷ്ണു​പ്രി​യ​യെ ചു​റ്റി​ക കൊ​ണ്ട് ത​ല​ക്ക​ടി​ച്ച്​ വീ​ഴ്ത്തി​യ ശേ​ഷം ക​ഴു​ത്ത​റു​ത്ത് കൊ​ല​പ്പെ​ടു​ത്തു​ക​യാ​യി​രു​ന്നു. മു​ത്താ​റി​പീ​ടി​ക​യി​ലൂ​ടെ ന​ട​മ്മ​ലി​ലേ​ക്ക് ഊ​ടു​വ​ഴി​ക​ളി​ലൂ​ടെ ബൈ​ക്ക് ഓ​ടി​ച്ചു​വ​ന്ന ശ്യാം​ജി​ത്ത്​ ആ​ൾ​പെ​രു​മാ​റ്റ​മി​ല്ലാ​ത്ത​യി​ട​ത്ത് ബൈ​ക്ക് സൂ​ക്ഷി​ച്ചാ​ണ് കാ​ൽ​ന​ട​യാ​യി വി​ഷ്ണു​പ്രി​യ​യു​ടെ വീ​ട്ടി​ലെ​ത്തി​യ​ത്.

ത​റ​വാ​ട് വീ​ട്ടി​ൽ എ​ല്ലാ​വ​രും പോ​യ​തി​നാ​ൽ വി​ഷ്ണു​പ്രി​യ വീ​ട്ടി​ൽ ത​നി​ച്ചാ​യി​രു​ന്നു. ആ​യു​ധ​ങ്ങ​ളു​മാ​യെ​ത്തി​യ ശ്യാം​ജി​ത്ത് വി​ഷ്ണു​പ്രി​യ​യെ ക​ഴു​ത്ത​റു​ത്ത് കൊ​ന്ന് ര​ക്ഷ​പ്പെ​ടു​ക​യാ​യി​രു​ന്നു. പാ​നൂ​ർ ഇ​ൻ​സ്​​പെ​ക്ട​റാ​യി​രു​ന്ന എം.​പി. ആ​സാ​ദി​ന്‍റെ ച​ടു​ല​മാ​യ നീ​ക്ക​ങ്ങ​ളാ​ണ് മ​ണി​ക്കൂ​റു​ക​ൾ​ക്കു​ള്ളി​ൽ പ്ര​തി​യെ പി​ടി​കൂ​ടാ​ൻ സാ​ധി​ച്ച​ത്.

മാ​ധ്യ​മ​ങ്ങ​ൾ​ക്ക് പോ​ലും പ്ര​തി​യെക്കുറി​ച്ച് ഒ​രു​സൂ​ച​ന​യും ന​ൽ​കാ​തെ​യാ​ണ് പാ​നൂ​ർ പൊ​ലീ​സ് അ​ന്വേ​ഷ​ണം ന​ട​ത്തി​യ​ത്. ഒ​ടു​വി​ൽ മാ​ന​ന്തേ​രി​യി​ലെ വീ​ട്ടി​ലെ​ത്തി പ്ര​തി​യെ പി​ടി​കൂ​ടി. പ്ര​തി ശി​ക്ഷി​ക്ക​പ്പെ​ടാ​ൻ എ​ല്ലാ പ​ഴു​തു​ക​ളും അ​ട​ച്ചാ​ണ് അ​ന്വേ​ഷ​ണം ന​ട​ത്തി​യ​ത്. നാ​ടി​നെ ഞെ​ട്ടി​ച്ച കൊ​ല​പാ​ത​ക​ത്തി​ലെ പ്ര​തി​യെ കോ​ട​തി കു​റ്റ​ക്കാ​ര​നെ​ന്ന് ക​ണ്ടെ​ത്തി​യ​ത് ന​ട​മ്മ​ൽ നാ​ടി​ന് ആ​ശ്വാ​സ​മാ​യി.